Да 85-годдзя з дня нараджэння Віктара Пятровіча Сташчанюка, мастака, лёс і творчасць якога звязаны з Навагрудчынай, Навагрудскі гістарычна-краязнаўчы музей праводзіць выставу жывапісу і графікі "Сцежкамі роднага краю".
Віктар Пятровіч Сташчанюк пакінуў значны след амаль ва ўсіх жанрах выяўленчага мастацтва. Родная зямля, яе багатая гісторыя акрылялі мастака.
Навагрудак назаўжды стаў натхненнем у жыцці і творчасці вядомага беларускага графіка і жывапісца.
Ён таксама непераўзыдзены майстар гістарычнай рэканструкцыі. Яго творы даюць магчымасць уявіць, як выглядалі велічныя помнікі архітэктуры, што зараз стаяць у руінах і якіх ўжо сёння няма.
Выстава будзе працаваць з 30 сакавіка па 12 красавіка 2018 г.